Linepraatsjes

In skouderklopke foar de merkekommisje

31 aug. 2010 - Elk jier is der in oantal minsken al betiid yn it jier dwaande mei de Redúster Merke. It programma moat gearstald wurde. De foarsjennings en it materiaal moatte ynoarder wêze. Dit allegear foar in wykein fol wille en fertier foar de ynwenners fan de trije doarpen. Foar al dizze minsken in skouderklopke.

Utwaaie

30 aug. 2010 - Alle moandeitemoarns om tsien oere is it safier. De stokken komme te foarskyn en de froulju dy’t har sammele ha by de sportkantine sille los. Alle wiken rinne se sa in rûntsje om it doarp. Rinne en pratend de wike trochnimme. Wa’t ris mei rinne wol is fan herte wolkom.

Wintersk waar

29 aug. 2010 - Om de glêdheidsbestriding goed te regeljen hawwe sân bedriuwen hjir mei de provinsje ôfspraken oer makke. Sy soargje derfoar dat kommende winter de diken feilich binne. Wilfred Janssen fan Transportbedriuw Bakker is ien fan harren. Kommend wykein hoege we dus net bang te wêzen foar glêdens op de dyk.

Aaismytrekord ferbrutsen

28 aug. 2010 - It reinde aaien juster yn de Haedstrjitte. Jong en âld die mei oan de aaismyt- en fangwedstriid. It úteinlike rekord waard mei twa meter ferbrutsen. It nije rekord fan 37 meter stiet no op namme fan de winners Theunis Hoekstra en Jan Wiebe Riemersma.

Gevaarlijk verkeerssituatie in de Buorren

27 aug. 2010 - De Verkeersgroep wil iedereen graag wijzen op de gevaarlijke verkeerssituatie in de Buorren. Naast de hoge snelheid van de auto's, rijdt men ondanks het eenrichtingsverkeer vaak tegen de stroom in. Dit geeft twee keer zoveel verkeersbewegingen wat veiligheid in deze smalle straat niet ten goede komt.

Partoer Afke Kuipers neist de krânsen

26 aug. 2010 - It wie in tige spannende finale op de froulju’s PC yn Weidum. Mar mei in twadde plak kin it favorite partoer Afke Kuipers dôchs werom sjen op in moaie keatsdei.

De doarpsomropper

25 aug. 2010 - Roelof Louwsma, doarpsomropper fan Omrop Fryslân, die hjoed ferslach fan út Reduzum. Hy seach net allinnich by it wurk op ‘t skoalplein, mar gong ek nei de kroech. Hjir spruts hy mei útbater Jeroen van Dijk en besocht in aai te fangen.

De tiid tikket troch

24 aug. 2010 - Sa’n 72 jier hat Daam de Boer oan de Buorren wenne. Mei Griet hat hy dêr 39 jier it soer en swiet belibbe. No’t se ferfarre binne nei it nije part fan Reduzum, wurdt it tiid foar de jongerein. Sy sette op it âld stee no op eigen wize harren stimpel.

Oerbliuwkrêften socht

23 aug. 2010 - De skoalle is wer begûn en âlders gean wer oan ’t wurk. Hjirtroch bliuwe in oantal bern tusken de middei op skoalle oer om te iten en boartsjen. In fêst groepke meiwurkers fersoarget dit oerbliuwoerke. Mar by drokte en sykte is der ferlet fan in ekstra pear hannen. Wa wol helpe?

It nôt is ryp

22 aug. 2010 - By de Okkinga’s oan de Swette binne se drok dwaande om de rispinge fan it fjild te heljen. Grutte masines binne dêr it winterweet oan it teskjen. Mei it teskjen wurde de nôtkerrels derút helle. Fan wat der dêrnei noch fan oerbliuwt, wurdt strie perst.

Seiskamp

21 aug. 2010 - Op Merkesneon wurdt de seiskamp 'Winterspelen' holden. Wa't meidwaan wol, kin dat trochjaan oan de 'coach' fan de strjitte. Witte jo net wa't dat is, dan kin Germ van Essen jo fierder helpe: g.vanessen1@hetnet.nl of 601227.

Aaigoai kampioenskip

21 aug. 2010 - Foar al wer it tredde jier wurdt freed om 18.30 oere by it kafee it kampioenskip aaigoaien hâlden. De 'kuorkeballers' Peter Tolsma en Alfred Postma goaiden foarich jier in rekord fan mar leafst 35 meter. Jou jim op yn it kafee of skilje mei Jeroen op tillefoannûmer 601541

Skuon út, toffels oan

20 aug. 2010 - De straters binne drok dwaande op it skoalplein mar binne hjir moandei noch net klear mei. Om it sân fan it nij-straten-plein net yn skoalle te krijen, gean de kommende wike yn skoalle de skuon út. Bern kinne de toffels meinimme en dy yn skoalle oandwaan. Sa bliuwt de flier netsjes en moai yn de was....

Op einejacht

19 aug. 2010 - Labrador Shiva docht op ’t heden mei basin Henny Hof mei oan jachttrainings. Troch ferskate kommando's besiket har baaske de hûn fuortgoaide dummy’s opspoare te litten. Dit dogge se ek yn it wetter fan de haven. Dat er dan ek wolris in 'wylde' ein meinimt út it wetter is ûnderdiel fan it hiele spultsje.

Jonge ûlen

18 aug. 2010 - Tiisdeitejûn hat Johan de Jong by famylje Zeinstra west om jonge ûlen te ringjen. Yn de skuorre sieten 7 jonge ûlen yn de ûlebak. Harren gewicht en fljerken binne opmetten en se binne ringe. Sa is letter te sjen hoe âld de ûle is. Ek mochten de bern de ûlen fêst hâlde foardat se werom gongen yn de ûlebak.

De nije Linepraat

18 aug. 2010 - Fannemiddei bûgt de redaksje fan de Linepraat har oer alle kopij dy 't kommende moanne pleatst wurde moat. Fergetten? Jim kinne it trochmaile nei it redaksjeadres linepraat@gmail.com

Altijd in actie

17 aug. 2010 - Buurjongens Karsten en Tjitse vervelen zich nooit. Ze bedenken steeds weer iets nieuws... Oud hout? Dit wordt een stuntbaan voor de de skelter! En omdat buurvrouw Bloem onlangs een heupoperatie heeft gehad, komen ze ook hier in actie. Zij rapen voor haar de appels die van de bomen vallen.

Wat docht de thúsbliuwer?

16 aug. 2010 - Net elkenien giet dizze simmer op fakânsje. Ek yn ús eigen omjouwing is in soad te sjen en te belibjen. Sa fart Alfred Tanahatoe gauris mei syn boat it Redúster ‘seegat’ út om yn de wetters rûnom ús doarp te fiskjen. Om dan somtiden thús te kommen mei in fisk of moaie ferhalen.

KNKB Famkespartij

15 aug. 2010 - Der waard hjoed wer omraak keatst op it sportfjild yn ús doarp. Foto's en útslach fan de KNKB Famkespartij binne hjir te finen.

Schoolplein krijgt metamorfose

14 aug. 2010 - Maandagmorgen wordt begonnen met het herstraten van het schoolplein. Vandaag heeft een grote groep ouders de meeste tegels van het grote plein op pallets gezet. Maandagavond worden de (zelf)werkzaamheden voortgezet. Door deze zelfwerkzaamheid kan straks een extra speeltoestel aangeschaft worden.