Wisten jo dat...

Jannewaris 2012

de gymnastykferiening aanst syn jubileum fiert, mar der noch gjin inkelde foto of dia ynlevere is?
it dochs net sûnder in útstalling fan fleurige foto’s kin fan priisútrikkings, demonstraasjes, oefenings?
we der graach in kopy’tsje fan meitsje en jo alles, as it moat deselde deis, noch werom krije?
de doarpsmûne Reduzum dizze moanne grif in rekordopbringst yn’e boeken skriuwt?
Egge syn flaggemêst al foar de twadde kear om lein hat?
Johan Nijdam begjin jannewaris in papegaai by en heal yn de Idaerder feart fûn hat?
it in grize readsturt is en no yn’e ‘diepvries’ by de feedokters yn Grou leit?
de fûgel net werom te bringen is nei de eigner om’t der gjin chip oan of yn sit?
it skutjassen yn Idaerd mear takomst hat dan yn Reduzum en de jongste 19 jier is?
men dêr om’e fjirtjin dagen in boomke leit en der in hiele protte leden binne?
it kantine-skutten de ôfrûne desimber grif foar it lêst west hat omt de groep te lyts wurdt?
it net oan de prizen of de fersoarging lein hat en Sip syn fleis en woarstjes tige goed smakken?
it âld papier yn desimber yn twa etappes ophelle is?
de grutte klikowein efterút ridend by de spoarhûzen wei, neist de dyk rekke en weisakke?
dy grutte auto dêr midden yn’e nacht wei sleept wurde moast om’t er oars hielendal de feart yn gie?
de oare moarns de rest fan de konteners lege is, mar wol mei in oare auto en eigen personiel?
de lytse man mei de kroltsjes as frijwilliger op alderhande plakken opdûkt?
deselde Germ no sels frijwilligers siket?
hy hopet op in grut oanbod fan froulju om him tidens de Slachtekuier oer de hege brêge te helpen?
jo him grif al riden sjoen hawwe, dy prachtige nije skoalbus?
der hast like folle knopkes yn sitte as in 747 en it grif noch wiken duorret ear’t se in betsjutting krije?
de Mûnegroep aardich ta de bûse west hat, om’t it net langer fertroud wie yn de âlde bus?
Folkert Bergsma de goede rie fan heit en mem yn’e achterholle hat, mar wat ‘er der krekt mei docht jo lêze kinne yn de spesjale edysje fan Dichterbij (Rabobank)?
de Bistedokter yn syn lêste bijdrage de MidFrieslander útswaait mar oanjout troch te gean yn Middelpunt?
de froulju drok oan ’t krystballe-breidzjen west hawwe en no oergean nei de ûleballen?
âld Redúster en kuorballer Liana Klijnstra spylster fan it jier wurden is by har feriening Oranje Zwart yn Zwolle?
Jappy Toering in reis troch Europa makke hat mei noch fjouwer oare studinten?
men dat dien hat om jild yn te sammeljen foar de stifting “Doe een Wens”?
der 26 opdrachten útfierd wurde moasten, dêr’t dan in jildbedrach tsjin oer stie?
Jappy sels yn Hongarije kuorballes oan studinten jûn hat ?
hy ynkoarten grif troch it grutte bûn frege wurdt om ambassadeur yn Boedapest te wurden?
Peter Tolsma nei dit jier by Mid Fryslân op stapt en dêr faaks ek kânsen lizze foar Jappy?
de kontener by it sportfjild net brûkt wurde mei foar partikulier ôffal?
dat Sportstifting en Qlubb alle kearen in lytse € 35 betelje moatte om him leech te krijen?
we hoopje dat it âld-papier-opheljen yn jannewaris better ferrûn is as yn desimber?

Wisten jo dat...

desimber 2011

de hurde wyn fan de lêste wiken foar aardich wat oerlêst soarge hat?
de kreamfersoargster mear wurk hie fan de opblaasbaby by Richard en Anja ( DSB) as fan Jordy?
in flaggemêst fan de Blauwe Tinte sa bryk hinget dat de flagge de grûn rekket?
in beam lâns de Beslingadyk omwaaide en der foar soarge dat Friens isolearre wie?
men moarns gjin wetter hie en allinne mei it mobyltsje kontakt mei de wide wrâld hie?
de beammen oan de Stânfriesstrjitte en Legedyk faaks krekt op tiid omseage binne?
harren famyljeleden om it sportfjild en beukerskoalle (selde bertejier !) al lang ferstoarn binne?
popels it ornaris net langer as in jier as tritich úthâlde mar dizzen krapoan 50 wurden binne?
we op 28 desimber wer skutjasse yn ‘e kantine (opjaan by Tjeerd Jorna 602123) of yn de kantine?
ferline wike legionellabakteriën fûn binne yn’e gymseal en skoalle?
dyselde skoalle op tongersdei in gesellige krystkuier organisearret en sa it krystferhaal útbyldet?
de start om healwei sânen op it plein is en jo fansels bêst in eintsje ( of wat mear ) meirinne meie?
der sa no en dan geweldige knallen yn Reduzum te hearren binne?
it earste fjoerwurk al yn beslach nommen is, mar dat grif net it lêste is?
der ek in ûnbenul mei de auto op it sportfjild west hat en grutte, djippe spoaren efterlitten hat?
bern fan groep 7 en 8 op ‘e krystjûn ( 24 des.) gedichten foarlêze sille en it krystboadskip fertelle?
we earst meiinoar bûtendoar sjonge by de hiele grutte krystbeam yn’e Prinsetún?
it spitich is dat de earste boete (€ 100) útjûn is foar in auto dy’t tsjin it ferkear yn ried op’e Buorren?
yn Idaerd in geef oerwurk yn de tsjerke hinget dat noch orizjineel is en stamt út 1500-sa-folle?
der dus neat oan fernijd is en de ûndersykskommisje hast fan’e trep foel fan fernuvering?
in man út Vlaardingen dwaande west hast mei it beskriuwen fan de sarkofagen út dizze tsjerke?
de Argyfgroep in eksemplaar krigen hat fan dit wurkstik, kompleet mei foto’s en tekeningen?
âld-Redúster Theo Tjepkema 80 jier wurden is en noch hyltyd atletyktrener is?
de âldjier-molkbusknallers wer in fergunning krigen hawwe foar karbidsjitten op de moarns?
Hyves (Reduzum) ús fertelt dat dit doarp it moaiste fan hiel Nederlân is?
Suzanne Heefer ( earder Van der Veen, Houtstek) meldt fia it gasteboek dat se hjir mei in hiele protte nocht wenne hat en har dank út sprekt nei de skoalle?
der yn de Friesmawei yn Idaerd in kjeld-mjit-punt yn’e dyk sit?
dit punt foar de sâltstruiers fan belang is omt it it kâldste punt fan de gemeente skynt te wêzen?
as de temperatuer ûnder nul sakket, dizze minsken tagelyk mobyl ynseind wurde en op paad gean?
as jo nijsgjirrich binne, jo krekt foar de pleats oer fan Jilles en Geartsje sykje moatte?
der yn neifolging fan Friens ek in grutte nijjiersbrânbulte (túnôffal) lâns de Friesmawei lei?
dizze bulte net brâne sil, omdat OMRIN dit túnoffal al ophelle hat?
Sinteklaas yn Idaerd yn’e frachtwein-trúk oankommen is en hy It Lokaal hast foarbij ried?
de snelheid yn Nederlân oeral ferskillend is en hy dêrom mar in gonkje tusken 30 en 130 oanhold?
de jonges gelokkich yn’e gaten hiene dat it mis gean soe en gau achter de trúk oandraafden?
Sinteklaas mear ferfiermiddels hat (seit er) en it yn Reduzum op’e fyts dwaan moast ?
we tinke dat hy earst yn Idaerd west hat en dêr syn rydbewiis ynleverje moatten hat?
it Bogerman-(jeugd)orkest út Snits ynkoarten de SwinSwette-syklus fan 2012 iepent?