Wisten jo dat...

Augustus 2009

ek it âld papier- opheljen bûn is oan de data, dy’t neamd wurde op de jierlikse ôffalkalinder?
it dochs inkelde minsken ûntkommen is en dat de kreakperswein sneon al troch de buorren ried?
it rinpaad lâns it Swin út de fierte hiel kreas liket?
it rinpaad om it nije begraafplak hinne mei de dei smeller wurdt?
guon minsken harren eigen hûn suver net iens werom fine kinne tusken de hege gerspôlen?
der mei dit moaie waar omraak swommen wurdt yn de haven en it Swin?
de omwenjenden der gjin inkeld beswier tsjin hawwe, mar wol oerlêst?
dizze minsken harren wol hiel bot steure oan it taalgebrûk, de skellerij en it smiten mei modder?
it net ferkeard is dat guon âlders harren bern dêr ris op oansprekke?
de nije haadmaster nei oardel jier al wer fuort is?
it foar him én foar de skoalle en it persoaniel better is, dat hy earne oars in nije start makket?
de direkteur fan Terherne, Janet Veld, no hjir ek direkteur is salang der net in nije ’baas’ beneamd is?
myn pakesizzers en ik dizze fakânsje ferskate kearen in rûntsje om fytst hawwe lâns de Swette?
op de earste, ferbrede stegers lâns de Swette, alle kearen fiskers sieten?
by al dy oare stekjes óf gjin fisken sieten, óf de fiskers faaks ingtefrees hiene, dêr wie nea immen.
der yn de kantine in swiere, ‘gouden?’ earbel fûn is, ynlein mei inkelde ‘diamantsjes’ ?
der ek al in heal jier in setsje kaaien leit te wachtsjen op de eigner?
de defibrillatoren in moai plakje krigen hawwe en der tritich minsken yn ús doarpen krekt witte wat der dien wurde moat en hoe’t sa’n ding wurket?
it wachtsjen no is op de sintrale oanstjoering fia de alarmsintrale, want wa’t no 06-11 skillet, lykwols noch wachtsje moat op in ambulânse út Ljouwert en dat krekt nét de bedoeling is?
Sjouk Huitema machtige dahlia’s yn har tún hat fan wol tritich sentimeters yn trochsneed?
jo de ‘Schuurvrouwtjes’ net freegje moatte jo auto te waskjen omt hja wurkje mei skuorspûnskes?
de bridgeclub op tiisdeitemiddei 6 oktober wer begjint en wol inkelde nije leden brûke kin?
de wykeinen fan 11-14 én 25-28 septimber wurke wurdt oan de grutte dyk ( Rykswei 32)
jo it earste wykein net fanút it suden gebrûk meitsje kinne fan de dyk, dêrnei oarsom it gefal is?
der ein septimber in boartersguod- en kleanmerk fan brûkt materiaal yn de gymseal is?
Idaerd der yn in pear dagen tiid samar in nij hûs by krige?
flak foar de boufak de nije ”BorgState” by LolkeJilles en Paule yn de tún stie?
it by Alfred justjes stadiger oan giet, stien foar stien, mar it ek hiel moai wurde kin?
Friens al in foarskot nommen hat op it 75-jierrich bestean fan pleatslik belang yn oktober?
men al te fytsen, te farren en te iten west hat mei suver de hiele befolking?
de jongste Langeberg-telg te sjen ( en te hearren!) wie yn it tv-program ‘Praatjesmakers’?
it iene nei it oare hûs yn de DSB te keap stie, mar der no dochs ferskate nije gesichten omstappe?
it âld papier dus bewarre bliuwe moat oant 26 septimber?
it nije ophelskema fan it seizoen 2009-2010 foar it papier hjir ûnder stiet?

Ald papier

Friens Idaerd Reduzum

26 septimber Jacob Wobma Siep Wynia P.Alberda, S.Fardin, Kl.Hellinga

24 ! oktober Arjen v. Balen Klaas de Vries E. Bergsma, J.Dijkstra , GJ Stapensea

28 novimber Herman ten Kley Lolke J Kleefstra H.Krabbendam, A.Jepma, W. de Boer

terug print