Wisten jo dat...

september 2009

we tusken 1 en 6 oktober hûs oan hûs komme mei lotten fan de Grote Clubaktie?
dy “we” binne de keatsers, tennissers, gymnasten, volleyballers en kuorballers?
de lotten dit jier ferkocht wurde foar trije euro it stik en twa foar fiif euro?
Coos Kúndersma syn (merke)jas werom hat en noch twa sokke jassen leverje mei?
fanút Holwerd in bestelling dien waard foar ien jas, dy’t krekt sa moai wie as de ‘merkejas’?
by Coos in ljochtsje barnen gong, syn rjochtmjittich eigendom werom krige en ien ekstra ferkocht?
de jas fia fia en doe noch ris fia fia yn Holwerd terjochte kaam, mar it in heimsinnich ferhaal wie?
Noorderbreedte en Nij Friesmahiem de soarchwente oan De Terp 16 “Dorpssteunpunt”neame?
de bewenners fan de senioarewenten dêr harren feestjes en oare gearkomsten hâlde kinne?
de nammebuordsjes dêr no te plak steane mar de haachjes en it parkearterrein letter komme?
men hiel graach it binnenterrein skjin hâlde wol en it gjin HUP wurde moat?
Jannie Bergsma sûnt minskeheugenis yn it gymbestjoer sitten hat?
oan dy lange perioade in ein kommen is en hja no as earelid troch it beweechlike libben giet?
Jouke Hallema ek net út it ferieningslibben wei te tinken is mar hy no dochs ophâldt as lûdsman?
Hindrik Hofstra net allinne de Gouden Germ wûn, mar no ek in eigen CD útbrocht hat?
de bern fan groep 7, no groep 8, ferline jier meiwurke hawwe oan in Rymposter?
der ûnder lieding fan Nanne Kalma dichte, songen en spile is?
it earste eksimplaar nei Piet Paulusma gie en hy dêrom de jûns yn Reduzum wie?
Edwin Bergsma wol ris mei syn holle yn sa’n âlderwetske, plakkerige miggefanger hinget?
Sytse Broersma hiel goed út de fuotten kin mei muzykynstruminten, mar ek mei de meanmasine?
hy it tsjerkhôfmeanwurk fan Roel Witteveen oernimt?
der foar de leafhawwers mooglikheden binne om in folkstúntsje oan te lizzen op de Dwinger?
it hjir it lêste wykein fan oktober grif optilt fan de âlde karakteristike auto’s?
de feriening fan klassieke automobielen in puzelrit hâldt troch ús gemeente?
de Tigchelaarspleats it sintrum fan Fryslân is en Snitserhoeke dêrom tydlik Airport wurdt?
de hiele novimbermoanne it Wetterskip Fryslân skouwe sil fanút dit sintrum?
men fanút trije helikopters kontrolearje sil oft ik myn sleatsje wol heakkele haw?
dizze moanne it earste berntsje op it Swinlân berne is( Fimke fan Gradeke en Arvind)?
it spitich is dat men dêr net akkoartsje kin oer in boarterstún, bern wenje der genôch!
der twa man fan in grienbedriuw twa dagen lang (tongersdei en freed) mei in baltsje oan it boartsjen wiene op it sportfjild?
in pear beammen oan de Legedyk in ‘giele stip’ krigen hawwe en dit harren lêste winter wurdt?
skoalbern der dizze hjerst (mei) foar soargje dat der fruitbeammen plante wurde op it Swinlân?
de niisneamde HUP stiet foar it Hûne Utlit Plak, mar dat hiene jo fansels al lang betocht?
we sneon ( 28 okt) wer del komme om jo âld papier op te heljen?

terug print