Wisten jo dat...

April

de skuorre fan Ale en Trea van der Sluis yn Eagum al hielendal plat leit?
der minsken wiene, dy’t tochten dat de pleats, oan de oare kant fan de dyk, plat soe?
Oeltsje Velstra fan Idaerd in ûnderskieding fan it keatsbûn krigen hat foar 40 jier sportpromoasje?
yn it museum De Trije Gritenijen in útstalling is oer de luchtoarloch boppe MiddenFryslân ?
de bern fan groep 7/8 der hinne west binne en”as mûskes” wiene bij de ferhalen fan twa tsjûgen?
datselde museum graach in nije ynternetside bouwe litte wol en dêrta in frijwilliger siket?( 602100)
fan dyselde bern der ek twa yn de toptsien einigen yn de finale fan it Grut Frysk Jeugddiktee?
it ek foar de oare bern dy’t meidwaan mochten in belevenis wie dêr yn ‘e Steateseal te sitten?
dizze jonges en famkes ek meidwaan sille oan de 4-maaie betinking?
de earste stap setten is en it monumint by de tsjerke kreas himmele is?
dyselde jonges en famkes ek noch ris de provinsjale BankBattle fan de Rabobank wûn hawwe?
de priis, in moarn lang in ‘ sneltekener ’ op skoalle, hiel ferrassend is?
de Mûnegroep, Doarpsbelang en de Buskommisje plannen hawwe om te kommen ta de oanskaf fan in hybride- of elektryske skoalbus?
sa’n bus grif in ton kostje moat, mar dat hast de helte dêrfoar al by Rein rinte docht?
Roto, it Redúster Toanielselskip, fierwei de heechste skoare hie yn har klasse?
troch de earste priis mei it Flatsoadsje men no de klasse ‘by útstek’ spylje mei ?
de Greidhôf no einliks wier wier yn’e ferkeap giet, mar it fansels fierstente let is?
it gebou no al mear as twa jier leech stiet en eltse dei minder wurdich wurdt?
Doarpsbelang sit te wachtsjen op in nije namme foar it Masterplan 2010-2020 ?
in bushokje op’e Trije Romers oan de doarpskant sa’n € 4000 kostje moat?
der op’e Doarpsgearkomste noch gjin urnemuorre komme mocht, mar twa wike letter wol?
de Rabobank hjir yn it doarp ticht giet mar Reduzum soe Reduzum net wêze as der net wat spesjaals foar weromkaam?
de gleuf gewoan bliuwt, mar de bank in firtuele bank wurdt, unyk yn Fryslân?
jo dan alle hannelingen dwaan litte kinne fia in kommunikaasjesysteem yn’ e muorre?
Geurt van de Weg dizze wike hiel geregeld te beharkjen is foar Omrop Fryslân?
hy al 25 jier by it Filmhûs wurket en ynkoarten FUT giet en no alle dagen tips jaan mei?
de Rommelmerk yn Idaerd foar Hiltsje Douma har goede Afrikaanske doel tige slagge is?
de Midfrieslander dêroer ferslach útbrocht mar dat lardearre mei wat eigen fantasij?
Reduzum der wer in artyst by hat: Marianne Kemmere de rol fan Maria song yn de Sound of Music?
Egge en Bea yn de Blauwe Tinte fla op fersyk ferkeapje, mar standert in patatsje Frede ?
it der krekt sa útsjocht as in patatsje oarloch, mar Bea fynt dat der genôch oarloch yn’e wrâld is?
der ôfrûne sneon wer moai wat âld papier oan de dyk stie?

terug print