Wisten jo dat...

Mei 2010

op keninginnedei de Fryske flagge op’e toer stie?
it in hiel o-heden west hat om de klok fan dizze toer op’e goede tiid te setten?
de klok mar ien ris yn ‘e wike feroare wurde kin en jo dus neat ‘besykje ‘ kinne?
Hester no it goede knopke fûn hat en de klok net mear twa oeren te betiid slacht?
op 12 juny it wer iepen dei is op in grut tal sakeklup-bedriuwen ?
Marjan en Ale de Fisker dan ek iepen hûs ( en bedriuw ) hâlde?
de Bergsma’s yn Friens in wike letter iepen stâl hâlde yn de nije oanwinst ?
ús grutte Rommelmerk al oer fjouwer wike is ?
de toulûkerij om de Kromme Sleat fan Idaerd nei de steande mêst ta noch lang net útiten is?
it ek net ferkeard is dat it stik Swin lâns de Ayttawei útbaggere wurdt?
jo yn dizze Linepraat bygelyks in monolooch fan in âldere dame lêze kinne ?
Eagum no dochs trije nije hûzen en in haventsje kriget?
de Skateclinic in moai opstapke wie foar de MidFryslân-skeelertocht op 4 juny ?
bern oerdei al hiel entûsjast wiene, mar jûns der ek in moai ploechje folwûksenen mei die?
de kuierders wer prachtich waar hiene en de bern de Swette-oerstek en de trochstek fan Wytgaard troch it lân nei it fabryk it meast bysûndere fûnen?
it fytspadenboerd op’e trijesprong by Idaerd wer ynoarder brocht is?
der fanôf de winter in gat yn it boerd siet, krekt op it plak, dêr’t jo it net hawwe wolle?
nije wike it Spaanske feest losbarst yn Reduzum en dat eltsenien grif yn fakânsjesfear bringt?
it simmerske Merke-tema dit kear winter wurdt ?
ferskate minsken no al dwaande mei it sammeljen fan de blombledsjes fan de meidoarn of de Japanse kers ( as dy alteast bestiet) ?
Japanners de snie út ‘e loft toverje as der foar sportwedstriden net genôch fallen is?
Sjinezen it mei gemyske middels út in fleantúch reine litte yn tiden fan droechte?
Liuwe Tilma al jierrenlang maklik it paad fine kin fan Bar de Welp nei hûs (en oarsom …)?
master Henk no ek syn keninklik paad fan skoalle nei hûs ta krigen hat?
Liuwe syn eigen paad tekene, mar Henk tige nijsgjirrich is wa’t syn oranje rûte makke hat?
de Frienzer bern no harren eigen springkessen hawwe?
Frienspop ( Johan Bergsma) in pear sinten oer hie, Rudy Fennema ek elts jier in ynstânsje bliid makket en hja tegearre soargen foar in prachtich stikje berneboartersark?
de memmen fan de Frienzer bern it kessen earst útteste hawwe?
Hindrik Hofstra net allinne yn de bar sjongt, of yn de loads fan Sjoerd, mar ek by Omrop Fryslân?
hy mei faasje in gastoptreden fersoarge yn it programma Noardewyn?
Piet Douma fan Idaerd al jierrenlang miniatuerfrachtweinen boud ?
de Mid Frieslander dizze moanne Idaerd ek wer aardich op’e kaart setten hat ?
de pleatselike belangen fan Friens en Idaerd elts jier in list meitsje fan âldpapier-ophellers?
winsken of feroarings dus fia de PB-bestjoerssekretariaten rinne ?
it de kommende sneon wer de lêste fan de moanne is en der dus papier ophelle wurdt?

terug print