Wisten jo dat...

Juny

de middenboubern al jierren mei de bus op skoallereis gean?
it ek al jierren sa is dat we op de weromreis efkes fuotbalje, blikspuitsje, ijsko ite?
it bakje patat ek nea ûntbrekt, dit kear 67 mei mayo en ien mei appelsmots foar Harm D.?
der gelokkich noch hieltyd minsken binne dy’t aardige krantestikjes of artikeltsjes oer ús doarpen útknippe of kopieare en op skoalle bringe?
de argyfgroep bliid is mei meitinkers en oplettende doarpsgenoaten lykas Piter en Trudy?
dyselde stikjes, knipsels, artikels, foto’s nei de simmer eins yn’e bus moatte op DSB 53 ?
it swier kealle hat, mar Alfred T. no wol hiel rigoreus te wurk giet?
hy no alle foarsichtigens farre litten hat en dat yn’e opbou trochsette wol?
juf Berber har túchslobbersdiploma helle hat?
dêr neat mis mei is, om’t it tal skjinmakoeren op de skoallen hieltyd lytser wurdt?
soks perfoarst net oan de skjinmakorganisaasje leit, mar oan de kar dy’t hegerop yn de oanstjoering makke wurdt ?
Andries Smit sûnder bril in trochrinbal skoart, wat him mei bril eins nea slagget?
der gjin seine rêst op ‘e fytsrûte-buorden Eagum/Idaerd/Wergea?
ôfrûne maitiid it boerd op Idaerderhoeke krekt wer ferfongen is en no ek it boerd bij de Wergeaster Mar mei opsetsin oan gruzels slein is?
in lyts fotokameraatsje dêr, boppe yn de lantearnepeal, faaks goed wurk dwaan kin?
der minsken binne dy’t de poes sliepe litte op de jonge, eigen kweek, tomateplantsjes?
it ornaris sa is dat sokke lytse plantsjes dêr mar min oer kinne?
it iene nei it oare stâltsje brutsen wie en men der spalkjes fan sateestokjes bij setten hie?
de bedoeling bêst genôch wie mar it risseltaat minder?
in tal âld-learlingen fan de TDS wol hiel bysûndere bern wêze moatte?
de slagge studinten fan VMBO-Grou net allinne harren diploma’s thúsbesoarge krigen, mar dat der ek noch ris in kameraploech fan Omrop Fryslân mei yn’e hûs stapte?
Fryslân en omkriten de hiele jûn Hindrik,Theunis,Tineke en Jitske yn byld krije koe?
Jorrit de G ek slagge is en hy syn diploma fierde mei in rûnrit troch dizze kontreien?
syn blauwe autootsje stoppe by eltse útstutsen hân en hy foar dyjinge in stikje oranjekoeke út de efterbak fan de auto helle?
de boat fan Roel stellen waard, mar Ale de Fisker syn eagen goed iepen hie ?
de diefkes opwachte wurde soene by de Syltsjebrêge, mar men dêr krekt te let wie?
de jonges de Dillebrêge al foarby wiene, ear’t se pakt wurde koene?
Roel no wer mei dizze, blykber flugge boat, snein nei de Frienzer Merke kin (27 juny)?
de Sytema’s yn Idaerd koartlyn 50 jier troud wiene en men troch alle flaggen dêr om hinne it hûs suver net mear werom fine koe?
de Sakeclub foar harren Bedriuwendei prachtige muzyk oanfrege by Omrop Fryslân?
we jo sneon wer fan alle âlde papier ôf helpe ?

terug print