Wisten jo dat...

Augustus 2011

dizze wisten jo’s allegear te meitsjen hawwe mei de musical fan de boppebou fan de TDS?
dizze wisten jo’s allegear betocht binne troch de opromploech, the day after?
Sanne tidens it sjongen fan har liet in wespestek krige, mar gewoan yn har rol bleau?
Gurbe fan alles oan doart, mar op in lange ljedder gjin held is en alle kleuren seach?
Christiaan in bytsje te let wie mei de tekst, mar mei ymprovisaasje alles kreas oploste?
Arnold fan alles brûke koe en dêrta by Tjitte en Baukje oan ‘homeshopping’ die ?
hy harren dêrfoar sels sneintemoarn betiid út bêd helle?
dyselde Arnold no it ( tige eksklusive, geheime) mobile nûmer fan Paule út ‘e holle wit?
de hynders fan Jehannes en Els de hiele simmer wol oan de droege bôle kinne?
de ‘earme’ bern harren hier de hiele wike net kjimd hawwe, om der mar lekker rûch út te sjen?
Eva grif wol trije dagen wurk hân hat om alle tiezebosken út har hier te krijen?
by alle bern der safolle hierspray yn siet, dat hja grif nea gjin lêst wer fan luzen hawwe?
der ferskate âlders ’knettergek’ waarden fan hieltyd mar weroan dyselde ferskes ?
it sjongen ( troch de geweldige professionele stipe) hiel goed út ’e ferve kaam?
de brânwar, mei tank oan Maurits en Rudi, it hiele doarp yn’e besnijing hie?
dizze sêne ek noch nij publyk oplevere, publyk dat eins nijsgjirrich wie nei in echte brân ?
Elske T en Syb vd P hiel bliid wiene dat it spyljen woansdeitejûn net troch gean koe?
it foar elkenien in gouden greep west hat om it risiko fan útstel nei de freed te nimmen?
Bryan syn mikrofoantsje stikken rekke en hy in hânmikrofoan krige?
hy him ferklaaie moast, it ding op’e grûn lei en nimmen him mear ferstean koe?
gelokkich Nadine dat gau yn’e gaten hie, it oppakte en tidens syn ferske foar de mûle hold?
dizze groep in geweldige ienriedigens útstriele, men elkoar oan alle kanten holp?
brânwarkommendant Rudi de grutste lol hie doe’t er der boppe op dy ljedder siet?
tsjinoer skoalle nije minsken yn it hûs fan de famylje Paassen kommen binne?
dizze minsken dêr noch mar krekt wenje, mar wol de sliepkeamerdoar iepen setten foar ús?
Piet Paparazzi no fanút it iepen balkonrút it hiele stik noch ris op film sette koe?
hy fanút dy skyboks in prachtich oersjoch hie oer alle publyk en spilers op it plein ?
Strobke tsjin in lege lantearnepeal stie te praten omt hy tocht dat master fergetten hie de poster fan de operasjongeres op te hingjen?
master dyselde poster krekt ien peal fierder oanplakt hie en Bryan dat te let seach?
hy twa stappen die en him der sels moai útrêde mei : “o, sjoch, dêr hinget noch ien !” ?
in oantal artysten dy freedtejûns earst federaasjekeatsen moasten?
Jeroen van D en Syb vd P nachts om healwei tolven noch in deadskiste oan it spikerjen wiene ?
it bot hoarich wie, it hiele doarp it hearre koe en dy kiste no op skoalle brûkt wurdt as blombak ?
Strobke yn 1992 foat it earst spile waard op it berne-iepenloftspul fan Easterwierrum?
de skriuwer fan it stik tige ‘faksinearre’ wie oer de wize wêrop it hjir nei foarren brocht waard?
de ‘pet ‘ nei ôfrin fan it stik mar leafst € 377 opsmiten hat, genôch om alle kosten te dekken ?
Master Arnold tige grutstk is op alle minsken dy’t dit prachtige spul mooglik makke hawwe?
hy syn tank útsprekt oan alle houtbeskikberstellers, houtbewurkers, skilders, loadsbekikberstellers, naaisters, kofjesetters,cateraars, frisdrankferkeapers, lûd-en muzykregelaars, lietskriuwers, muzykomsetters, regelateurs, timmerlju, filmproducers, kameraminsken, oprommers en net teferjitten âld-Redúster Jouke Hallema, dy’t der twa middeis frij foar nimme moast om’t it de woansdeis oer gie?
de boppebern , ek dit jier wer, grif mei in hiel goed gefoel fan skoalle ôf gien binne ?

terug print