Wisten jo dat...

april 2011

der op de gearkomste fan Doarpsbelang ‘even een mededeling’ kaam fan de tsjerkerie?
der mar leafst € 20.000 klear leit foar bysûndere doarpsaktiviteiten ?
der by it parkearterrein achter de skoalle in hiele protte houtsnippers lizze ?
jo dy gratis en fergees ophelje meie, ek noch sûnder te freegjen ?
it koartlyn tusken Reduzum en Wytgaard optilde fan de hûnen yn it lân?
it Nederlânsk kampioenskip spoarsykjen hjir plak fûn ?
jo de holle goed by de snelheidsmeter hawwe moatte tusken dizze selde beide doarpen?
it yn Wytgaard begjint mei tritich, dernei fyftich tastien is en dan in stikje sechstich ?
de Dodenbocht no op topsnelheid ( tachtich yn’ e bocht!) nommen wurde mei ?
soks yn earder tiden wol oars wie en jo it wol litte woene en rydt dêr mei dy snelheid?
jo by it Tolhek werom moatte nei de trije en de sechstich der wer foar mei?
Friens syn privee kantsjemeaner hat, dy’t de hiele Van Sytzamawei koart hâldt?
der op Trije Romers ek in kabouter wennet, dy’t de hiele trijesprong skjin hâldt fan ôffal en ûntúch?
juf Hilde op har jierdei twa oerkes bliid wêze mocht mei in lease-baarch?
der oan de Legedyk al in pear wike in ûle ferkearskontrôles hâldt?
de hiele hjerst en winter by Klaas en Hylkje in asylsiker húsmanne hat?
de poes net yn ‘e hûs koe en Klaas foar him ( of har ) in hokje tsjin de foarmuorre timmere hie?
it dêr goed fan iten en drinken hie en der sels ferwaarming foar it bistke yn oanlein wie?
de iennige echte Anni Friesinger ( mei dikke búk) ferline wike op de Trije Doarpen Skoalle wie?
sy fansels al fier yn’t foar har oriëntearje woe nei hokker skoalle harren berntsje aanst sil ?
Jeroen ( Cambuur-fan yn ieren en sinen) in protte nammen wist fan Hearrenfean-supporters?
hy dy nammen op ‘e Reduzum-side sette, mei de fermelding dat se fergees harren kaart oerdwaan woene, doe’t it mei it Hearrenfean sa min gie ?
jo ferplichte binne it Wetterskip te beljen as jo in wetterknyn(muskusrôt) swemmen sjogge ?
dizze ynstânsje dan wer soargje moat dat it bist binnen trije wiken fongen is?
it omseagjen fan beammen lâns de Frienzer diken gelokkich in misferstân wie?
de ko fan de famylje Brinksma net allinne oan fiif lamkes molke jout yn de Ljouwerter Krante,mar ek yn de Telegraaf (ze lusten er wel pap van!), SBS-6, Hart van Nederland, Hea……….?
de toanielspilers fan Roto en Vriendenkring gjin potten brekke koene op ’e kriich?
it publyk yn de trije doarpen him lykwols ta de teannen út fermakke hat by de foarstellings?
fiskrestaurant De Brigantijn destiids fisk keapje koe fan 17 Wartenster fiskers, mar dat no de iel levere wurdt troch Redúster Ale ?
de Blauwe Tinte yn maaie 100 jier op syn plak stiet en dit fierd wurdt mei in fytstocht?
yn dit clubhûs fan Tsienzerbuorren de bewenners geregeld kedize oer harren takomstplannen ?
it swemplak no definityf nei de nije haven giet en Doarpsbelang de totale eksploitaasje regelet?
campingbaas Jehannes nei in grut tal jierren dochs gelyk kriget mei syn ‘wettersportsintrum’?
de urnemuorre op it ‘nije’ begraafplak der komt en it ûnderhâld yn mienskiplik oparbeidzjen dien wurde sil troch Doarpsbelang en De Lêste Eare?
it sertifikaat fan de sânbak yn de nije boarterstún fan it Swinlân likernôch € 800 kostje moast?

terug print