Wisten jo dat...

Novimber 2009

we op 28 desimber wer skutjasse yn de sportkantine ?
eltsenien dêr oan meidwaan mei en faaks thúskomt mei in lekkere fleispriis fan slachter Sixma?
Sinteklaas yn ‘e mist it paad nei Reduzum better fine koe as syn beide Piten?
de Boarnsterstim der bij wie en fan út Reduzum in streekrjochte útstjoering fersoarge?
master Henk fan de fut-sint it boek krige dat in lytse tritich jier as tsjokke boek tsjinne?
hjiryn de lede-administraasje en oandielen fan de Coöperative Stoomsuvelfabryk fan Wurdum?
der no al twa keunstgersfjilden yn Reduzum lizze, mar it tredde fuort noch net sa fier is?
it al lang dúdlik wie dat der gjin finansjele stipe fan de gemeente yn siet, mar Stânfries no noch fierder fan hûs is om’t it gemeentebestjoer it deagewoan ferbean hat ?
Master Arnold tsientallen sliepplakken oanbean krige doe’t minsken hearden dat hy sa faak hinne en wer moast fan út Warten?
hy noch net wit hokker hûs him it bêste befalt en syn beslút yn elts gefal oer de winter hinne tilt?
de bern fan groep 6 yn gearwurking mei Doarpsbelang in tweintichtal fruitbeammen plantsje sille?
dizze beammen oan de bewenners fan it Swinlân tasein binne en op 11 desimber de grûn yn gean?
it fansels hiel aardich wêze sil as we dy moarns tusken tsien en alve ek wat supporters hawwe?
it net oan entûsjaste minsken ûntbruts by it optreden fan Gurbe en freonen yn Friens?
it mar goed wie dat Pyt S. it tek skoard hie, doe’t Gurbe syn tajefte ynsette ( lit jim gean, Friezen )?
Gerrit Noordenbos koartlyn yn “Hea !” te sjen wie mei syn súksesferhaal oer it akkordeonspyljen?
ek de krante him yn ’t sintsje sette, mar it spyljen troch syn reuma spitigernôch net mear goed wol?
bern hieltyd makliker de tassen fol snobbersguod mei Sint Maarten krije?
groepen in sels songen ferske op harren mobyl opnaam hiene en dat gewoan hûs oan hûs ôfspilen?
allinne de minsken dy’t rap by de doar wiene it seagen, want oan it lûd wie it net te hearren!
der wier bern wiene dy’t by’t hearren fan it (lucht)alarm rôpen dat it oarloch wie?
dat Anke op dat momint by de bushalte stie te wachtsjen en har mem belle om rie, wat te dwaan?
Sandra har presys fertelle koe wat der barre moast: “deuren en ramen dicht” , ek by de bushalte?
Willem T. jo desneeds fan tydlik ferfier foarsjen kin?
Kees no op in skootmobyl troch de stâl en Friens rydt, as er teminsten net wer in lekke bân kriget?
dat it by Tjipke yn Idaerd al wer maitiid liket, no’t der twa lytse wite geitsjes berne binne? ]
dat Arie allinne Liwwarders prate kin en hy dat dus ek docht as akteur by it Idaerder toaniel?
de skoalbern tusken 7 en 12 desimber oan de doar komme om jo kryst/ nijjierswinsk op te heljen?
de blêden fan de beammen binne en de jongerein gjin beskûl mear fynt efter it nije begraafplak?
Sybren Posthumus it ôfrûne wykein yn Itaalje siet om de SúdTiroler Freiheitsparty ta te sprekken ?
der yn Tadzjikistan( in part fan it eardere Ruslân ) bliere bern omstappe mei bliere Tytsje- mûtsen?
Margot Tubben in tal workshops glêskeunst jûn hat yn Nepal, sawol oan bern as grutte minsken?
it foar de bern mear kreatyf dwaande wêze, foar froulju faaks it begjin fan in eigen bedriuw wie?
in lytse bijdrage út it rike westen in geweldige stimulâns foar sa’n ûntwikkelingslân is?
der neitocht wurdt oer mear fyts-en kuierpaden fan út ús doarpen rjochting de Lege Geaën?
we dizze kommende sneon( 28 nov.) wer del komme om jo âld papier op te heljen?

terug print