Wisten jo dat...

Septiber 2011

dit de lêste merke wie mei (Gouden) Germ as foarsitter ?
der al jierren praat wurdt oer in oare opset, mar soks net sa maklik is?
der yn en om Warten nei alle gedachten gjin feeroasters te finen binne?
master Arnold fan’t simmer op skeelers in besite bringe woe oan juf Hilly yn Friens?
hy foar’t wyntsje hie fanút Warten en de gong der op’e Frienzer dyk ek aardich yn hie?
flak by de pleats fan de Tjalma’s in feeroaster leit en hy dêr mei in jûchheidsje oer hinne ride soe?
hy in “rotsmak’ makke, de earmtakke iepen, tosk troch de lippe, knibbel stiif en wer wat leard hat?
de organisaasje efter it Tsjerkepaad net alhiel ûntefreden is oer it tal besikers?
it dochs spitich is dat net mear minsken it wurk fan ús doarpskeunstners besjoen hawwe?
fan de nije oanplant op’e Terp de earste beammen al fruchtdragend binne ?
it der no dochs op begjint te lykjen dat ik myn fyts yn Reduzum op slot sette moat?
it ek hjir net mear fertroud is en set him sa efkes del?
yn ús doarpen in protte artystenbloed streamt en trochjûn wurdt?
we it mei de merke sjoen hawwe en ek op de iepenloftspullen fan Easterwierrum en Jorwert ?
Adriana der ek noch ris har eigen bankstel foar opoffere hat?
de kantine in kear as fiif troch ferienings, neist de wyklikse pûtsbeurt, skjinmakke wurdt ?
benammen de flier dan wer in goede beurt kriget, mar dan wol graach mei de grutte masine?
it fan’t simmer in kear dien is mei in tal lytse bjinderkes en men in hiel skoft wurk hie?
soks in protte swit kostet en it folle makliker kin?
it earste fuotbaltiim fan Jirnsum, de hoofdmacht, foar it grutste part út de Trije Doarpen komt?
de risseltaten der beslist net neffens binne?
Freerk Popma maksimaal profitearret fan de frije tiid dy’t er nei syn ôftreden krigen hat?
jo him tsjin komme kinne op’e kuier, op’e golfbaan, op’it iis, op’e racefyts, op skeelers ?
yn 2012 de Olympische Spelen yn Londen holden wurde sille?
sadree’t de beammen harren blêden ferlieze, der ek in tal yn Reduzum it leadsje lizze moatte?
lâns de Legedyk en by it sportfjild in stikmannich giele stippen op guon beammen steane?
de iisbaantinte in kreas ferflaachje kriget en hjir en dêr wat hout ferfongen wurdt?
Trea fan Sjouke ynkoarten út it keatsbestjoer stapt ?
Sjouke fan Trea ynkoarten yn it keatsbestjoer stapt ?
Klaas it te drok hat mei de kachels en Sjouke de nije foarsitter wurde sil?
de bruorren Fokke en Hoite op’e selde tiid opereard binne, de iene oan it hert, de oare de knibbel?
soan Boele dêr ek wie om syn lippe , nei in bedriuwsûngemak, hechtsje te litten?
materiaalpech Hylke Riemersma efterfolge op syn fakânsje nei Sardinië?
de draachbalke fan de karavan stikken rekke en hy dat hiele ding dêr mar stean litten hat?
op’e weromreis syn auto ek al net mei mocht op’e boat ( bytsje reek….) en dy dêr ek bliuwe moast?
der in geweldich protte animo wie foar de Slachtedyk-fytstocht fanút de Blauwe Tinte ?
Afke Kuipers har dit jier gauris yn’e prizen keatste en it kommend jier mei nije maten op paad giet?
de ‘Wytgaarder’ skipper fan de ‘Jonge Rein’ it kommende jier yn de IFKS-A-klasse farre mei ?
dy skipper, Erik Jonker, al jierren mei syn frou en bern yn Reduzum wennet?
Hilde Bleijswijk faaks ynkoarten in helplijn opsette mei foar kânsearme bern yn India, Pakistan?
hja ferline jier al mei help fan Vodafone, de Namaste Foundation oprjochtsje koe yn Nepal ?
de sportferienings yn de earste wike fan oktober wer del komme mei lotten fan de GROTE CLUB ?

terug print