Wisten jo dat...

Desimber 2009

de foarplaat fan dizze Kryst-Linepraat dit kear tekene is Johannes de Jager?
bij de maatskip Posthumus de hiele stâl fol mei sinnepanielen leit?
de Redúster ûndernimmers mei-inoar wer soarge hawwe foar in goed lêsber ynformaasjeboerd?
ek it doarpskomboerd bij de Trije Romers troch Doarpsbelang fernijd is, krekt as de stikkene hânwizers op inkelde plakken yn it doarp?
it Museum De Trije Gritenijen yn Grou in nije útstalling hat, dit kear oer “âld ark”?
dêr hiel wat boere-ark te sjen is, mar ( it wurk fan ) suster Haagsma ek prominint oanwêzich is?
de grûn wêr’t it tsjerkje fan Friens op boud is, in krêftplak fan natoerwêzens is?
de ferneamde astrolooch-paragnost Jelle Veeman al praat oer in yang-punt fanôf it jier 983?
de ienhoarns fan de wapenskilden út de tsjerke neffens de symboalyk goddelike boadskippen bringe?
it wenst it dat ien fan de Stânfries 7-spilers mandaryntsjes meinimt foar yn’t skoft fan de wedstryd?
Jehannes oan bar wie, mar dat wat let yn’e gaten krige en der net ien mear op’e fruitskaal lei?
we dy moarns útsykje koene : apels, parren, bananen, fuld spekulaas, druven, sjerpwafels …..?
Meile Zijlstra en Jappie Terpstra al 25 jier drager binne en it sjogge as in earebaantsje?
it Idaerder jeugdtoaniel ôfrûne freed twa kear in optreden fersoarge yn It Lokaal?
in ploegje tennissers graach efkes útpûst nei de swiere ynspannings fan de moandeistrening?
koartlyn de groep yn’e kantine besite krige fan de plysje, dy’t in kontrôlerûntsje ried?
men it frjemd fûn dat der op dat tiidstip noch ljocht baarnde yn it gebou?
soks wol hiel attint wie, mar dy nacht de auto’s op it parkearterrein stean bleaun binne?
as jo in paraplu oan de kant fan it wetter sjogge yn Grou, Loekie en Alfred dêr steefêst ûnder sitte?
ien lyts fiskje oan ‘e heak, ( nee, gjin namme!) jo in protte sinten kostje kin?
de djippe spoaren neist de Ayttawei sljochte binne, krekt as de slotspeesje dêr neist?
de dyk wer folle breder liket, mar no mei de snie der gauris wer immen neist de dyk sit?
de bestellist foar de oaljebollen op de 28-ste ophelle wurdt ?
de Troefmerk brune en wite aaien yn ien doaske hat en sa de yntegraasje befoardert?
master Sjack nei de fakânsje wer as learkrêft foar de klas giet en juf Janet bliuwt oan fan’t simmer?
in âld Redúster notaris, de hear H. Mulder, net alline in priis wûn, mar no ek in fideoclip kriget?
it ferske dat der by heart oer “de beroemdheid” hy sels plugje kin yn de morgenstond by radio NL?
we no ek witte wêrom Jaap Tigchelaar noch altyd lid is fan de Grouster tennisclub?
de mannen al tsien jier lang elts winterskoft meiinoar te skiën( ensa!) gean?
it wol hiel moai is dat der snie leit, mar dat dat ek in protte organisaasjes om’e nocht west binne?
it krystspul fan groep 7/8 net troch gie, mar de Hofstra-pleats wol in wike lang yn krystsfear wie?
it tal wenten yn Eagum ynkoarten hast ferdûbele wurdt as men it mei-inoar iens wurdt?
ferskate minsken raar ophearden fan it ferhaal, dat de Rabobank hjir ticht giet?
der te min lokethandelings útfierd wurde, no’t in protte minsken telebankiere?
Omrop Fryslân ôfrûne snein geregeld mei Sjoerd de Boer yn ferbining stie?
Sjoerd fertelle mocht oer syn sâltstruien en de gekke dingen dy’t hy ûnderweis seach?
der ferline wike net al te folle papier oan de dyk stie en it dêrom yn jannewaris grif drok wurdt?

terug print