Wisten jo dat...

oktober 2011

it ein septimber sok moai waar wie dat Henk Hofstra en Janke Tilma noch yn’e ûngetiid wiene?
der op de earste dagen fan oktober in pear weinen mei pakjes hea fan it lân helle binne?
de Sinteklaze-stimpelaksje fan ús Sakeklup dit jier in desimber-aksje wurdt?
it dit kear wat oars wurdt, gjin stimpels, mar in aksje wêr’t grut en lyts oan mei dwaan kin?
Durk van Gorkum yn 2009 al in Skouderklopke krigen hat, mar al lang wer ien fertsjinnet?
hy dizze simmer twa kear deis mei in skeppe it kuierpaad frij makke hat fan skieppestront?
hy de boarterstún, fuort neist de doar, ek noch ris alle dagen netsjes hâldt?
der kloften Redústers nei de nije Grouster sportskoalle reizgje?
der ek wol ris ien is dy’t syn kaaike fan it klûsslotsje ek mar yn ‘e persoanlike klûs opberget?
syn frou dan earst mei in oare sporter nei hûs moat ( want ek de eigen autokaaien wiene fansels dit kear té goed opburgen…..) om in reservekaaike op te heljen?
der praat wurdt oer ko-knuffeljen, mar Hinke in hiel raar ûngemak hân hat tusken de kij?
der in bist op har foet stean gongen is en hja no in skoft sitte moatte mei hechtings yn’t kût?
de trije Hofstra-froulju de ôfrûne wiken leard hawwe harren bôlebakje sels yn’e tas te dwaan?
Siebe1000 tritich jier ferlyn berne is as de tûzendste ynwenner fan Reduzum?
dit doarp nei al dy jierren, al dy nijbou, al dy berteweagen noch mar 1108 ynwenners telt?
de strepelûkers op’e Hoflânswei en yn Idaerd dwaande west hawwe?
dy lju it grif sok moai wurk fûnen, dat tusken Terpstra en Engelsma de hiele dyk mar wyt makke is?
master Henk mei al syn frije tiid no ek al op’e quad troch it lân jakkert achter de hokkelingen oan?
Sytse en Anneke Alberda warempel alhiel út it Hearrenfean wei hjir komme om kastanjes te sykjen?
in healoere letter soan Rohan ek al by Hokwerda-state stie nei in telefoantsje fan heit en mem?
de ein fan de Alberda’s dêr tafallich ek noch ris wegere om fierder te fleanen?
op de lêste freedtemiddei fan de moanne “bijpraat” wurdt, de moanne oereide,noflik sitten wurdt?
der de earste kear in hiel aardich groepke minsken noflik bij inoar yn it kafé sieten?
der minsken binne, dy’t harren túnôffal gewoan oan de oare kant fan de dyk yn’e berm goaie?
der ek guon binne, dy’t it krekt dêr del goaie, wêr’t in buordsje stiet: ‘hjir gjin túnôffal stoarte‘ ?
de Jorna’s oan de Prinsetún mâl opseagen doe’t dêr in auto fan Omrop Fryslân foar de doar stoppe?
yn it kader fan de Fryske top-1000 de groep ‘Dy Twa’ in minikonsert by harren yn ‘e hûs joech?
der in nije kursus AED-gebrûk opstarten wurdt, bedoeld foar doe-het-voor-u-zelvers?
de groep betûfte AED-frijwilligers ferline wike sels op ekskurzje west hat nei it apparaat by de Bank?
we dizze wike wer komme ( of krekt west ha) om it âld papier op te heljen?

terug print