Wisten jo dat

dat Bredero’s “het kan verkeren”, ek foar Jan Wester fan Idaerd jildt?
hy de iene wike in dikke haadpriis ( in einekoer) wint yn ‘e grutte lotterij fan it Idaerder toaniel?
de wyks dêrop hy de negative haadpriis hie, doe’t er efteroer foel op strjitte en in ribbe stikken hie ?
hy beide kearen op’e foto kommen is ?
it Frienzer toaniel ûnder lieding fan Liuwe Tilma ek wer tige slagge wie?
hy as regisseur fan Friens dus hiel súksesfol wie, mar ek as spiler fan ROTO Reduzum sterk spile?
ek yn Friens in grutte lotterij holden is, mei dit kear as haadprizen in pear prachtige natoerfilms?
dy films wol wat iensidich wiene omt der allinne mar moaie froulju op stiene?
it gjin wûnder wie dat Liuwe in biljerttreningsefterstân hie en gjin potten brekke koe op de jierlikse maraton bij Jeroen en Lutske?
Majo Tigchelaar( en de argyfgroep) him ôffreget oft der noch immen wat fertelle kin oer de pleats dy’t tsjinoer feedokter Terpstra op Trije Romers stien hat?
it prachtich wêze soe as der noch âlde plaatsjes boppe wetter komme soene fan dizze pleats?
we yn it argyf ek neat hawwe fan de pleats “den Anweg” dy’t tsjinoer Nageltsjebuorren oan de Ayttawei stien hat ?
it argyf yn it besit is fan in diascanner, dy ek jo dia’s oersette kin op in hjoeddeiske dvd ?
de argyfgroep om’e fjirtjin dagen (even wiken) byinoar sit yn skoalle ( 10 maart dus wer)?
it museum De Trije Gritenijen yn Grou dizze wike in moai berneprogramma hat?
de timmerman, de smid, de koperslagger, de floddermûtsemakker dêr oanwêzich binne?
foar de bern sels ( help pake en beppe de fakânsje troch) ek in tal eigen aktiviteiten binne?
Jehannes Zijlstra ôfrûne sneon, nei de fal fan it kabinet, de FNP-flagge bûten op hong?
we ús hast net foarstelle kinne dat hy sa gau syn idealen ferloochenet en oars tinken giet?
de bijdrage fan Linepraat oan skoalle de lêste jierren aardich omheech gien is?
skoalle folle minder stinselwurk docht foar ferienings troch it fenomeen e-mail, mar de stinsel-masine der wol stiet en we oan in kontrakt bûn binne?
dêrtroch de advertinsjeprizen en de postabonnees, beide nei tweintich jier, wat ferhege wurde?
der tal fan ferkiezingsposters yn de doarpen hingje?
op’e Joksewei ( ter hichte fan nûmer fjouwer )ek in hiele rige, mar wat aparte posters, hingje ?
Piet Elzinga syn nije doarps(foto)boek oer 2009 klear hat en it wer in prachtich jieroersjoch is?
de nije húsdokter fan Jirnsum, de hear F.F.Venema, him yn dizze Linepraat oan jo foarstelt?
Baukje Wytsma hiele aardige reaksjes krige op har stikje yn it desimbernûmer en der fuort wer foar sitten gongen is ( âlde tiden komme werom: as studinte wie se al Linepraet-redaktrise!)
yn de biblioteek fan Grou in histoaryske lêzing holden wurdt oer kleasters en stinzen yn it Boarngebiet
de Fûgelwacht fan Reduzum, Friens en Idaerd immen siket dy’t it sekretariaat oernimme wol ?
we sneon (27 maart) wer del komme om âld papier op te heljen ?

terug print