NL doet

It giet oan…………..
Yn it kader fan “Nederland doet” sille we sneon de 19e maart los mei de nije boarterstún op it Swinlân.
Jimme binne wolkom om efkes del te kommen om te sjen, om te helpen, foar in praatsje…..

Mar ……. Thomas, Judith, Christiaan, Jannes Thomas, Nadine, Fimke, Ammarens, Fenna,Thijs, Anouk, Peter, Nadine, Sieta, Meike, Lotte, Jorn, Brecht en jimme freon of freondintsje en fansels ek de pake en beppesizzers fan Swinlânbewenners…………………….. we ha jimme help ek neadich. We moatte sân skeppe, de bult klút frij meitsje, tekeningen meitsje op de stoepe, flaggen meitsje foar op de boat, wat ite en drinke mei inoar ensf……
Fan 11.00 oant 13.00 oere hoopje we dat jimme ek komme kinne om te helpen. (By min waar geane we yn in garaazje sitten)
Soenen jimme it Janet Wijnstra noch wol witte litte mei hoefolle at jimme komme. Dan ha we genôch lekkers foar eltsenien.
Mem of Heit, Pake of Beppe meie it har wol maile foar freed de 17e maart
leo-janet@hetnet.nl

Minsken dy’t helpe wolle……………….Erwin Posthumus of Durk van Gorkum dêr moatte je dan wêze…………….

Fansels hoopje we dat jimme allegearre efkes lâns komme om te sjen

De Boarterstúnkommisje
Durk van Gorkum

Mear ynformaasje op de site fan NL doet

Boarterstún Swinlân

Veel actie in Reduzum op deze prachtige zaterdag. Niet alleen bij het 'himmeljen' van het dorp maar ook bij het realiseren van de nieuwe speeltuin op it Swinlân.

Strjitteferljochting Swinlân

Yn it ferline is ôfpraat dat oer de LED-strjitferljochting in saneamd "tevredenheidsonderzoek" hâlden wurde soe. Op basis fan dat ûndersyk soe besluten wurde soe oer mooglike oanpassings. It ûndersyk is yn 2009 hâlden en wie wol aardich posityf oer de strjitferljochting. It resultaat is op 9 febrewaris 2011 bepraat mei de fertsjintwurdigers fan de gemeente (dhr. Steinvoorn) en dhr. Oldenburger fan Lemnis, de leveransier fan de LED-ferljochting.

Yn it oerlis ha wy praat oer de krityk dat de wenten 10-14 min ferljochte is, it net goed ôfstellen fan in oantal armaturen wêrtroch hinderlik skerp ljocht ûntstiet, it (troch guon minsken fûne) donkere gat fan de terp en de kleur fan it ljocht. Wy ha mei-elkoar de ûndersteande aksjes ôfpraat.

1. By de wenten 10 -14 komt oan de ein fan it paad in ferljochtingspeal mei in pealtop armatuur en wyt LED ljocht.

2. In oantal pealarmaturen sil better ôfsteld wurde.

3. Doe't de strjitferljochting hjir pleatst wurden is, wie der noch net wyt ljocht beskikber, dat is no wol it gefal.

4. De gemeente moat dit jier in protte armaturen fan de strjitferljochting ferfange. Tocht wurdt oan in ferfanging mei LED ferljochting. Reduzum is ree belangstellenden út de gemeente de strjitferljochting sjen te litten en wat te fertellen oer ús erfarings. Yn dat ramt sil de strjitte oan it Swin dan ek tydlik wyt LED ljocht krije.

As der guon minsken binne dy wat mear ynformaasje ha wolle, dan kin dat op de buert by Agatha Vermeulen of Durk van Gorkum.

Durk van Gorkum

Alde fruchtrassen

Alde fruchtrassen foar Swinlân
27 mrt. 2009 - Fannemiddei hat deputearre Konst in echte Doeke Martens op de Terp plante. Neist dit appelras komme der yn de rin fan’t jier noch tweintich ferskate âlde fryske parre- en appelrassen te stean.

Led op Swinlân

Nachtelik farren oer Swin

Sa’n tweintichtal minsken út Boarnsterhim makken gebrûk fan de mooglikheid om it nachtelik fartochje te meitsjen nei Reduzum. Yn it ramt fan “Nacht van de nacht” waard troch de gemeente in fartocht útset. It doel wie it Swinlân. Dêr waard de strjitferljochting, mei led-lampen, offisjeel yn gebrûk naam. Nei in lyts wurdsje fan Henk Vellinga, krige Siep van Lingen in led-lampe oanbean. Doarpsbelang fan Raerd is it folgjende doarp dêr’t “it ljocht” hinne gie.
Yn skoalle wie oan it begjin fan de jûn noch in mini-symposium oer it led-ljocht. In fabrikant fan led-lampen liet sjen hoefolle mooglikheden led-lampen ha.