Activiteitenkalender 2012Tennisvereninging Stānfries
Op sneon 7 jannewaris is der yn de tennishal fan TC Nomi te Snits foar leden fan TF “Stânfries” en leden fan de tennisferiening út Aldeboarn in Binnendoarstoernoai organisearje.
Inkelspul Kampioenskippen 2012 De tenniskampioenskippen froulju- en manlju inkelspul wurde spile yn de perioade fan 13 maart o/m 23 maart. Omdat de finales op de jûn fan freed 23 maart spile wurde, moat men op dizze jûn beslist beskikber wêze wol men mei dwaan kinne oan dit kampioenskip. Opjaan kin oant 6 maart.
Ynterne Kompetysje Op freed 30 maart start de Ynterne Kompetysje, de earste wedstriden begjinne om 19.00 oere. De lêste wedstriden binne op freed 25 novimber. Fanôf it begin fan de simmerfakânsje oant en mei de finaledei fan it Boarnsterhim Toernoai binne der gjin wedstriden. Opjaan foar de ynterne kompetysje kin oant 14 maart.
De opset is oer it generaal it selde as foarich jier. Wol moat der rekken mei hâlden wurde dat der in kompetysjeteam is dat op freedtejûn har wedstriden spilet. Dertroch kin der op in pear jûnen gjin ynterne kompetysje spile wurde. Fansels sprekkend hâlde wy eltsenien op’e hichte. Foaral ek om’t de leden die’t gjin KNLTB-kompetysje spylje, foarrang ha op dielname oan de ynterne kompetysje en om’t der op sneintejûn spile wurde kin yn de wiken dat it kompetysjeteam thús spilet.
Wir-Re-War Toernoai Op snein 1 april wurdt fanôf 10.00 oere it Wir-Re-War Toernoai spile. Dit jier fynt it op ús banen plak. As jo meidwaan wolle, dan kinne jo ús dat oant 25 maart witte litte.
Strjittetoernoai Op snein 1 july wurdt foar leden en net-leden foar de fjirde kear op rige it “Heckman - strjittetoernoai” organisearre. De ynformaasje oer wichtige saken folget sa gau as mooglik mar de opset fan dit toernoai sil net (folle) ôfwike fan de edysje fan 2011.
Thúsbliuwers Toernoai Om’t it earste Thúsbliuwers Toernoai in grut sukses wie, organisearje wy it dit jier wer. Dit kear kinne de leden die’t op freed 24 augustus net fan hús binne om fakânsje te fieren mei elkoar tennisje. Ek foar dit toernoai jildt dat de wichtige ynformaasje sa gau as mooglik folget.
Dûbelspul Kampioenskippen 2012 Alle dûbelspul kampioenskippen, te witten froulju- manlju- én mingd dûbel, wurde ferspile yn de perioade fan 5 o/m 23 septimber. De finales wurde op snein 23 septimber spile. Sy dy’t kâns meitsje wolle op sa’n kampioenskip, moatte dus op dizze dei beslist beskikber wêze en kinne har oant 25 augustus opjaan.
Boarnsterhim Toernoai Fan 25 o/m 30 septimber kin der meidien wurde oan it Boarnsterhim Toernoai. In toernoai dat wy in gearwurking mei en op de banen fan oare tennisferieningen út de gemeente organisearje sille. Lykas by de dûbelspul kampioenskippen kin der yn 3 gearstallingen tennist wurde. Foar dyjinge die’t meidwaan wol, wurdt rom op tiid oanjûn foar wannear jo jo opjaan moatte. Mar wis is wol dat it dus per twatal (2 manlju, 2 froulju of 1 man + 1 frou) moat.
Eartetoernoai Op snein 18 novimber wurdt it tennisjier tradisjoneel wer ôfsluten mei it eartetoernoai. De tiid fan begjinnen moat noch bepaald wurde mar opjaan kin al wol (oant 11 novimber).
Nijs oer (de aktiviteiten fan) Tennisferiening “Stânfries” stiet fansels ek op ús doarpsside: www.reduzum.com. De aktiviteitenkommisje (Joop, Gerda, Jantsje en Sido) rekkent ek yn 2012 wer op in sportyf tennisseizoen.
Moandei 13 febrewaris 2012: jiergearkomste TF “Stânfries”, 19.45 oere yn ús sportkantine
Aktiviteitenkalinder Tennisferiening “Stânfries” (foar it jier 2012)
Foar alle aktiviteiten jildt dat oanfoljende ynformaasje sa gau as mooglik folget. Sjoch hjirfoar regelmjittich yn de Linepraat, op de doarpsside www.reduzum.com of yn jo e-mail.
De aktiviteitenkommisje fan Tennisferiening “Stânfries” bestiet út de folgende persoanen:
|
||||||||||||||||||||||||||||||||||||||||||||||||||||||||
